අනිත් පැත්තෙන් දෙවැනියා වූවෙමි

ඔන්න මේ සීන් එක වුනෙත් පැර‍ට දහම් පාසල් ගිය කාලෙ තමා. පැරට දහම් පාසල් ගිය කාලෙ අම්බානට චාටර් වෙලා තියෙනවා. ඒ කාලෙ දහම් පා‍සල් තරඟ තිබුණ කාලයක්. කැතම සීන් එක වුනේ පැරටගෙ පන්තියෙ දහම් දැනුම තර‍‍ඟෙට යන්න කවුරුත් හිටියෙ නෑ. එතකොට පැරට තමයි ශිෂ්‍ය සමිතියෙ “ගරු සභා” (ඒ කියන්නෙ ගරු සභාපති). ඒ හින්ද පැරට දැනගෙන හිටිය මේ තොප්පියත් අන්තිමට වැටෙන්නෙ පැරටගෙ ඔලුව‍‍ට කියල. ‍වෙන තරඟ වලනම් පැරට චිත්‍ර තර‍ඟෙට ගිහින් ශේප් වෙනව. ඒත් ඉතින් මේ පාර ඒක හරියන්නෙත් නෑනෙ. ඒත් පැරටට මල පැන්න සීන් එක වුණේ නිකන් හෙමින් සැරේ වැටෙන්න තිබුනු තොප්පිය පැරටගෙ බුදු ෆිට් එකක් විසින් පැනල ඔලුවටම දාපු එක.
දවස හරි. පැරට උදේම තරගෙ තිබුන ඉස්කෝලෙට සිංහයා වගේ එන්ටර් වුණා. ඒත් පැරට දන්නව මිනිහට ආපහු යන්න වෙන්නෙ නිකන් බල්ල වගේ කියල. කමක් නෑ.... වෙනදේ වෙයි. පැරට ‘FULL ඩම්’ අරගෙන තර‍ඟෙට ගියා. හරි, නියමයි. පැරටට සෙට්වෙලා තියෙන්නෙ මැද පේළියෙ ඩෙස්ක් එකක්. දැන් කෙලවුනොත් විදේශ ආධාර ගන්න වටේ හතර දෙනෙක් ඉන්න‍වනේ... බලමු කීදෙනෙක් ඉන්නවද කියල? නියමයි.. තව හයදෙනයි. දැන්නම් ඉතින් අන්තිමය වුනත් ලැජ්ජ නෑ. ඔන්න එතකොටම ටීචර් කෙනෙක් ආවා. “දැන් වෙලාව හරි. ඔක්කොම තම තමන්ගෙ තැන්වල වාඩිවෙන්න”. ඔන්න ඉතින් පැරටත් අදාල පොට් එකේ settle වුනා. ඔන්න එතකොටම එලියෙ ඉඳන් තව සෙට් එකක් ආපි. “මගුලයි, බලමු දැන් කීයක් ඉන්නවද කියල?” පැරට ආපහු ගනන් කලා. 15යි. ආසයි නේ. දැන් අන්තිමය වුනොත් ඉඳල ඉවරයි. “කමක් නෑ. වටේ හතරදෙනාගෙන් කොප්පක් ගහගන්න පුලුවන්නෙ” පැරට හිතුව. පජාතයි. පැරටගෙ වටේටම කෙල්ලො හතරදෙනෙක්. කොල්ලෙක් බේතකට හොයාගන්න නෑ. පැරට දන්නව කෙල්ලන්ගෙන් උත්තරයක් ගන්නව‍ට වඩා තනියෙන් ලියන එක ලේසියි කියල. අවුලක් නෑ. උන් නොකිව්වත් පැරටට හොරෙන් බලාගන්න පුලුවන්නේ....
ඔන්න පේපර් බෙදනවා. බලමු මේක මොන වගේද කියල. පේපරේ නම් පොඩියි. බලමු උපදෙස්. පලමු ප්‍රශ්නය ඇතුළුව ප්‍රශ්න 5කට පිළිතුරු ලියන්න. බලමු ලියන්න පුල්‍රවන්ද කියල. පලවෙනි එකේ යන්තං 4ක් විතර පුල්‍රවන් වගේ. කමක් නෑ. බලමුකො අනිත් ඒවා. ඒවත් පජාතයි. එකක මුල පුලුවන්. අනිකෙ අග පුලුවන්. පැරට වටපිට බැලුව. අනිත් එවුන් ලියන‍ව පැල් බැඳගෙන. එතකොට කොළ ‍බෙදාගෙන සර් කෙනෙක් ආවා. “තව පැය එකහමාරයි. ඉක්මනට ලියන්න” සර් කිව්වා. ලියන්න කිව්වට අහවල් එක ලියන්නයැ. පැරට තව ටිකක් බැලුව. බලද්දි ඉස්සරහ කෙල්ලෙකුත් මොනවත් ලියල නෑ වගේ. දැන් ඉතින් මිනිහට ෆුල් ජොලි. දැන් ඉතින් අන්තිමය නෙමෙයිනෙ. පැරට ආපහු ලියන්න ගත්තා.
දැන් පැරටගෙ දේශිය සම්පත් ඉවරයි. දැන් ඉතින් ජාත්‍යන්තර පිහිට තමා. පැරට වම් පැත්තෙ කෙල්ලගෙ පේපරේ දිහා බැලුව. කෙල්ල ඉක්මනට පේපරේ වහගත්තා. බලමු දකුණ. ම්හු... ඒ කෙල්ල පේපරේ උඩ පදිංචි වෙලා. ඉස්සරහින් බලල වැඩක් නෑ. පිටිපස්සෙන් බැලුවට පේන්නෙ නෑ. වැඩේ ඉවරයි. පැර‍ට නූල් කෑල්ලක් ඉල්ලගෙන කොල දෙක ගැටගැහුවා. දැන් පැරටට හොඳටම වතුර තිබහයි. චිත්‍ර තර‍‍ඟෙදි නම් කන්නයි බොන්නයි දෙකම හම්බෙනවා. මේකෙ අඩුගානෙ වතුර ටිකක් නෑ. කමක් නෑ. තව පැයයි නෙ. ඒ ටිකත් ඔහොම ඉමු.
වෙලාව ඉවරයි. පැරට පේපරේ දීල නැගිට්ටා. මිනිහ එලියට යද්දි ‍මිනිහට කෙල්ලෙක් කථා කලා. “පේපර් එක හරි ලේසියි නේ...”. පැර‍ටගෙ කටට හොඳ වචන ටිකක් ආව. ඒත් ඒව අමාරුවෙන් නවත්තගෙන මෙන්න මෙහෙම කියල යන්න ගියා. “නැතුව නැතුව”.
කොහොම හරි අන්තිමේදි පැර‍ට ජයග්‍රාහී ලෙස 15 දෙනෙක්ගෙන් 14වෙනි තැන දිනාගෙන තිබුනා.