මේ සීන් එක සිද්ධ වුනේ පැරට දහම් පාසලේ හතේ පන්තියේ ඉන්න
කොට. ඒ දවස්වල පැරටගෙ පන්සලේ ඇතිකරන්න ගෙනාපු ගිරා පැටියෙක් හිටියා. ගිරවෙක්
කිව්වට මිනිහා කතාකරන පොරක් නෙමෙයි. කෝකටත් කියල පැරට මේ මනුස්සයත් එක්ක talk එක දාන්න try එකක් දුන්නා.
පැරටගෙ school van එකේ ගිය කිසි කතාවක් නැතිව ගිය සහෝදර ප්‍රේමයක් කතාවට
අල්ලගත්ත පැරටට මේක එච්චර ලොකු කෙහෙල් ගෙඩියක් නෙමෙයි කියල හිතුනට වැඩේ අමාරු
වුනා. කතා කරන‍ව තියා මිනිහ පැරටගෙ මූණ දිහාවත් බැලුවෙ නෑ. ඔහොම ඉන්නකොට
හාමුදුරුවන්ව දානෙකට එක්ක යන්න ආපු කස්ටියක් මේ ගිරවව වටකරගෙන ඉන්නව පැරට දැක්ක. ඒ
වෙලාව දහම් පාසලේ ඉන්ටිවල් හින්දත් පැරටට වෙන කරන්න වැඩක් තිබුණෙ නැති හින්දත්
පැරට ගියා මේ පැත්තට ඇන්ටනාව දාන්න. එතකොට කස්ටිය වටවෙලා ගිර‍වගෙන් “පෙත්ත බත්
කෑවද?” කිය කිය අහනව. පැරට දන්නවනෙ ගිරවගෙ හැටි. ඉතින් මේ joke එක දැක්ක
පැරටට වචනයක් නොදා ඉන්න බැරිවුණා. ඉතින් ඒ සීන් එක මෙන්න මෙහෙමයි සිද්ධ වුණේ.
කස්ටිය : පෙත්ත බත් කෑවද?
පැරට : ඇයි උඹ කවන්නද?
මේක ඇහුන ගමන් කවුද කියල බලන්න කස්ටිය ආපහු හැරුනත්
එතකොට පැරට වාශ්ප වෙලා ඉවරයි. කොහොම හරි මේ සීන් එකට පින් සිද්ධ වෙන්න පැරට දවස්
තුනහතරක් දහම් පාසල් ගියෙ නම් නෑ.
